كل الناس بتحب الهامبورجر بس بقى تقليدي اوى فى البيت و حتى لما بنخرج بناكل برضه هامبورجر... عموما جربى الطريقة دى و سلميلى على هارديز
اشترى فى الأول نوع هامبورجر بالتوابل ... فيه امريكانا بالتوابل العربية و ده الى انا بفضله بس اى نوع بالتوابل هيقضى الغرض
السر فى الخلطه ... هاتى جبنه شيدر مدخنه و بتتباع عند اى سوبر ماركت كبير
و انتى بتحمرى الهامبورجر قبل ما تستوى بحاجه بسيطه حطى الجبنه الشيدر عليها عشان تسيح معاها و خلى بالك الجبنه الشيدر المدخنه طعمها قوى جدا يعنى متكتريش اوى... و بس حطيها بقى فى العيش و عيشى حياتك فى الكاتشب و يا سلام لو كاتشب حار ..
و برضه هتدعيلي
و على فكرة ممكن تعملي بالجبنه دى بيض مقلى خرافه حطي قطع منها فى البيض و انت بتقليه مع صابع مقطع هوت دوج ... و مش هتقدري تغمضي عينكي
و فيه برضه وجبة لذيذه ساعات بعملها على الفطار مع بساطتها الشديده
هاتى رغيف عيش و حط فيه جبنه رومى و اربع شرايح طماطم رفيعين و حطيه فى الميكرويف او الفرن او اى حاجه بتسخن....... بيبقى لذيذ جداااااا
انظر الردود